Inglong ahavar aphan prapjin pen Hemprek (Autonomous State) Pisirak nangji

 

COMMUNIST PARTY OF INDIA (MARKIST-LENNIST LIBERATION ASAI HEM ALONG

Hill's Party Committee (HPC)

Karbi Anglong lapen Dima Hasao

HQ Gurudwara Road (Near KASA Stadium), Diphu KarbiAnglong

Date:.1-01-2023

Inglong ahavar aphan prapjin pen Hemprek (Autonomous State) Pisirak nangji

-CPI(M-L Liberation HPC

Pini niphai 11 January, 2023 arni CPl{M-L) Liberation. Hills Party Committee asaihem along

pherangke amai (Press Conference) anarlo baji 2:00 pm apor pen bangso amai phapon

lo. Kedamtang 1986, 17 May aningkan pen hemprek mate Autonomous State CPI(M-L)

Liberation. hills Party Committee (HPc) ahin pen, non pu anta kachesong nang arjapthip lo

lapen kachesong ansose kepangdang lapen kepangtang thuji aphan ASDC pen chenglok

kaprek kaprek movement asong aphanta nang parjap lo. Lasonthotsi Karbi Anglong,

West Karbi Anglong, lapen Dima-Hasao arat atumta indian a constitution along

kedotang aron Article 244(A) mate Autonomous state kachehang along checkroisar lo,

kaprek-kaprek hamphang asong lapen rat-chari asong kedo-an atumta ason kaprek issue

aputhak difference do sita Hemprek aphuthak nang chekroisarsi, nonpu chesong bom

vang bomlo. Lasi Autonomous State aputhak kachekroikre atum, awe pinlo pulote

prapjin pen Central Govt lapen State Govt. atum inglong ahavar arat atum aphan Bharat

chari aron ateng Article 244(A) pi serak (lmplement) nangji apotlo. Athema aphrangE

penta lapen non kedobom Autonomous Council Boundary mate Contiguous Area

kedotang. Bonta Inglong ahavar arat kachehang apharman aron aloh along ketokdak

dokok aphita teng pring (long standing demand) asonsi nangdokok lo.

Kedamtang 2000 aningkan Jharkhand, Chhatishgarh lapen Uttaranchal aphan BJP

kejapon NDA asorkar ahut akimi state kipi pon ahut ta Karbi Anglong lapen NC Hills

aphan ke aron ateng pen dovek aphita Hemprek mate Autonomous state pipon pe det

lo, lason thak-thak si 2013 aningkan lethot ta sorkarpi lapen sorkar so Cong(l) Keja pon

UPA asorkar lethot ta Telangana aphan akimi state kipi pon ahut sitame Karbi Anglonglapen Dima Hasao la Inglong hini ahavar arat atum thurpak pen nang chesong det aphita

Sorkarpi-Sorkarso atum Law and Order aphan pinkhatsi CPI{M-L) aleader lapen cadre

atum aphan kechok-ketheng, kether pen danglok Jail beng pon-et aphit panungthip si

ladak Inglong ahavar arat aphan ke kelangrem (Discriminate) asonsi nangcheplang lo.

Non het jong Central Govt lapen KLO angbong kevangji 26 January, 2023 aphrang

monsam kevanji aphan alamdon kechetokji pu along akimi Kamatapur State kipiji pu

alam pen paper lapen electronic media ahin pen pachethang bom thek pon long.

Aphrang ahut ason akimi-kimi Hemprek pidet aphita ladak Inglong ahavar arat aphan

abatai-batai sorkarpi lapen sorkarso atum kelangrop lapen kepangkre aphuthak along

CPI(ML) Liberation. Hills party committee (HPC) ahin pen Sorkar atum aphan pini pherangke

amei alongpen sodak pinrem(condemned) ponlo.

Lasi pini CPI{M-L} Liberation. HPC ahin pen akimi Hemprek pipe aphrangsi aron ateng pen under

Article 244(A) mate Autonomous State pipon paprang nangji pusi Ruling Party lapen

opposition party atum aphanta Karbi Anglong, West Karbi Anglong lapen Dima Hasao

inglong ahavar arat aphan Hemprek pipe si non akimi along kaprek-kaprek adim State

create bom pulote Bharat kechari aron aloh karkan asonsi nangman det po puta

pherangke amai along ningje ponthu, athema Central Govt. lapen State Govt. aphan

abatai-batai Hemprek alam chingki damlo pulote Hemprek kipi ponji a agenda ave pu

nangpu dun kok titi. Lasi non abatai Inglong ahavar arat nang kachehang bom aHemprek

pipe si nang pacharsamset pulote BJP lapen non keja pon NDA asorkar atumsi adai che-

en nangji pusi sodak pen pherangke athengno pachini pon

Rabi Kumar Phangcho)

(Amlong Ingti)

(Pratima Engheepi)

CPI(M-L) Liberation, Hills Party Committee (HPC)

Diphu, Karbi Anglong

Apor