Public Interaction programe Upper Majung along kepaman pon.

 

Bokajan: Pini arkoi niphai 28 arni  lakha 22 Sarupathar MAC  constituency keparlo upper Majung ahavar along  Public Interaction programe kepaman pon.

Lasonsi pini jasimet Lakha 22 Sarupathar constituency ahavar arat keduk kesung aphuthak kacheni pame ji aphan KAAC MAC mate local MAC sangpi  Kadom Terangpi  kematha pon  Sarupathar ahavar ta kachingthur dun un ji aphan   KAAC  CEM Dr.Tuliram Ronghang  atum pen chingki  chingvai pon si  sarupathar constituency  arlo ahavar jasimet Upper Majung arong arat  pen  chingki  chethan ameipi paman.

Labangso public Interaction programe  amei chengche aprang  RJ Road Hanjanglangso pen Majung kekrong put atovar along paklangso along kachethang klong adolong  sitame  KAAC CEM Dr. Tuliram Ronghang arideng pen ingpu pon.

Upper Majung ahavar along public Interaction programe  chari pon meiphu KAAC  CEM Dr. Tuliram Ronghang  kachetong dun MP Horensing Bey, MLA Dorsing Ronghang , MLA Rupsing Teron,  atum pen chenglok EM Surya Rongphar, EM Amorsing  Tisso , pen chenglok local MAC sangpi Kadom Terangpi, la anparta team Karbi Anglong , Secretary, joint secretary ,  Karbi Anglong along Department 30 along bangphu/phi  lapen man kedo kethe keding lapen  sarupathar a rat atum chetong dun pen mei ardi pedun.

Labangso amei along Sarupathar constituency ahavar jasimet kachingthur  the ason tovar , kejun alank , meh , lahai hui akisung non prapjin pen Pachun pon po pusi CEM Dr. Tuliram Ranghang  pen lamchak chepi pon.

 

Anparta upper majung ahavar arat atum phan peh kar -om tame KAAC CEM Dr. Tuliram Ronghang arideng pen ronponsi mei ingsamjin pen pachun pon.

Apor